Sètz aquí : Acuèlh > Divèrs, eveniments > Encargat/ada de mission « lenga occitana »
emploi
AGENDÀ de l'EMPLEC
emplec
emploi
emploi
Encargat/ada de mission « lenga occitana »
Encargat/ada de mission « lenga occitana »

L’Ofici Public de la Lenga Occitana (Gropament d’Interès Public compausat de las Regions Novèla Aquitània e Occitània e de l’Estat) que cèrca un encargat/ada de mission “lenga occitana”.

Missions principaus :
- Que participa a l’elaboracion de la politica lingüistica occitana e qu’a un ròtle d’ajuda a la decision au près deus administrators deu Gropament ;
- Que met en òbra e qu’avalora la politica lingüistica interregionau ;

Activitats professionaus :
L’agent, mei que mei :
- Que contribueish a l’elaboracion de las orientacions estrategicas pluriannaus de la politica publica en favor de l’occitan ;
- Que contribueish a l’elaboracion deu programa e deu bilanç d’activitat annaus ;
- Que contribueish a l’avaloracion de las politicas miadas de cap tà l’occitan

- Que contribueish a méter en òbra lo programa d’accion dens l’encastre budgetari definit (instruccion deus dossièrs de demanda de subvencion, portatge de projèctes sollicitant fons estructuraus europèus e/o CPER …) ;

- Que segueish l’aplicacion de las decisions presas peu Gropament tà çò de la transmission e de l’usatge de l’occitan ;

- Qu’organiza e segueish relacions dab los partenaris ;
-
Que contribueish a la gestion administrativa, budgetària, institucionau deu Gropament.
- Que contribueish a la comunicacion deu G
ropament e au ligam dab los diferents territòris pertocats per la soa accion.

 

Relacions ierarquicas e foncionaus :
L’agent qu’ei plaçat devath l’autoritat deu Director deu Gropament e qu’averà relacions foncionaus dab las administracions de las duas Regions pertocadas e de l’Estat atau com dab tots los autes partenaris exteriors en França e a l’estrangèr.

Perhiu, competéncias :
De formacion universitària superiora, completada de vertadèras qualitats de gestionari/ària, de relacions publicas, qu’avetz ua coneishença deu foncionament de las Collectivitats territoriaus e de l’Estat e de las lors prerogativas entà çò de l’accion lingüistica. Las vòstas qualitats relacionaus e organizacionaus, lo vòste esperit d’iniciativa, las vòstas capacitats d’analisi e de sintèsi, indispensablas entad aqueth pòste, que s’aparian d’ua experiéncia de las bèras sus un pòste similar. Qu’ètz disponible/a entaus desplaçaments necessaris dens l’encastre de la vòsta mission e qu’avetz capacitats confirmadas en comunicacion. Competéncias en lenga occitana que son necessàrias, que sia a l'orau o a l'escriut (nivèu C1 deu CECRL[1]). Competéncias en catalan e espanhòu (e italian se’s pòt) que seràn tanben hèra apreciadas.

Data limita de depaus de las candidaturas :
divés 26 de mai 2017, a 14 h 30, per corrièr postau dab acusat de recepcion a l’adreça seguenta : Dauna Presidenta - Ofici Public de la Lenga Occitana – 22 baloard del Marechal Juin – 31406 Tolosa Cedex 9 e per corrièr electronic a l’adreça qui segueish : contact@ofici-occitan.eu

Informacion complementària :
medishas adreças.